ຖືກຕ້ອງ ແລະ ແທດເໝາະກັບສະພາບເງື່ອນໄຂປັດຈຸບັນ, ພາຍຫຼັງທີ່ໄດ້ມີການສະເໜີ ກົດໝາຍວ່າດ້ວຍພະນັກງານ-ລັດຖະກອນ (ສະບັບປັບປຸງ) ຕໍ່ກອງປະຊຸມ ສະໄໝວິສາມັນ ເທື່ອທີ 2 ຂອງ ສະພາແຫ່ງຊາດຊຸດທີ IX, ໃນວັນທີ 19 ມີນານີ້, ພາຍໃຕ້ການເປັນ ປະທານ ຂອງ ທ່ານ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ.
ທ່ານ ສຸບັນ ສະວະບຸດ ສະມາຊິກສະພາແຫ່ງຊາດ ປະຈຳເຂດເລືອກຕັ້ງ 14 ແຂວງ ສາລະວັນ ໄດ້ປະກອບຄຳເຫັນຕໍ່ ມາດຕາ 3 ທີ່ອະທິບາຍຄຳສັບທີ່ເວົ້າເຖິງ ພະນັກງານ ແຕ່ຢາກໃຫ້ໃສ່ວ່າ ບຸກຄະລາກອນຈະເໝະສົມກວ່າ, ຊຶ່ງພວກເຮົາເວົ້າວ່າພະນັກງານ-ລັດຖະກອນ ແມ່ນບຸກຄະລາກອນທີ່ເຮັດວຽກຢູ່ໃນອົງການຈັດຕັ້ງພັກ-ລັດ ແລະ ອົງການຈັດຕັ້ງອື່ນໆ, ໃນນັ້ນ ຖ້າກົດໝາຍສະບັບນີ້ໄດ້ຮັບການປັບປຸງແມ່ນຢາກໃຫ້ເປີດກວ້າງ ຊຶ່ງຈະເອົາເຂົ້າຢູ່ຈຸດໃດຈະເປັນການອະທິບາຍຄຳສັບຄຳວ່າພະນັກງານ-ລັດຖະກອນ, ຕໍ່ບັນຫານີ້ ຢາກໃຫ້ອະທິບາຍແຈ້ງຕື່ມ, ໃນນັ້ນຢູ່ພາກທີ 2 ໝວດທີ 1, ມາດຕາ 8 ທີ່ເວົ້າເຖິງປະເພດພະນັກງານ ທີ່ຈັດເປັນ 4 ປະເພດ ແລະ ແຕ່ລະປະເພດຄວນຈັດວ່າມີຂົງເຂດໃດແດ່ ແລະ ແຕ່ລະປະເພດມີແນວໃດຕໍ່ບັນຫານີ້ ກໍຢາກໃຫ້ອະທິບາຍໃຫ້ມີຄວມຊັດເຈນ, ໃນຂະນະດຽວກັນ ໃນມາດຕາ 43 ທີ່ຈັດເປັນ 5 ປະເພດ ຄື: ປະເພດດີຫຼາຍ, ດີ, ກາງ, ອ່ອນ ແລະ ອ່ອນຫຼາຍ ຕໍ່ບັນຫານີ້ໄດ້ພົວພັນກັບສິ່ງທີ່ພວກເຮົາໄດ້ກຳນົດຢູ່ໃນວິໄນ ຊຶ່ງຂັ້ນວິໄນໄດ້ຈັດຢູ່ 4 ຂັ້ນຄື: ຕິເຕືອນ, ກ່າວເຕືອນ, ໂຈະການເລື່ອນຊັ້ນ ເລື່ອນຂັ້ນ ແລະ ເອົາອອກຈາກເປັນລັດຖະກອນ, ໃນກໍລະນີ ອ່ອນຫຼາຍແມ່ນມີການພົວພັນກັບຂັ້ນຂອງວິໄນບໍ່? ສະນັ້ນ ຕໍ່ບັນຫານີ້ກໍຢາກໃຫ້ເບິ່ງຕື່ມ ແລະ ຂັ້ນຂອງການລົງວິໄນ ໃນທັດສະນະສ່ວນຕົວ ແມ່ນຢາກໃຫ້ເຫຼືອໃນລະດັບສາມຂັ້ນ ແມ່ນຢາກເອົາຕິເຕືອນ ມາເຂົ້າເປັນກ່າວເຕືອນເພາະອັນນີ້ແມ່ນມີເນື້ອໃນຄ້າຍຄືກັນ ແລະ ອີກບັນຫາໜຶ່ງ ທີ່ພົວພັນ ໃນມາດຕາ 65 ການສິ້ນສຸດການເປັນພະນັກງານ-ລັດຖະກອນ ຊຶ່ງໃນນີ້ໄດ້ຈັດມີ 7 ຂໍ້ ໃນນັ້ນຂໍ້ທີ 6 ໄດ້ເວົ້າເຖິງບຳນານ, ສະນັ້ນກົດໝາຍສະບັບນີ້ ຖ້າເວົ້າເຖິງການສິ້ນສຸດການເປັນພະນັກງານ-ລັດຖະກອນ ຈະບໍ່ໄດ້ຄຸ້ມຄອງ, ຖ້າບໍ່ຄຸ້ມຄອງ ພະນັກງານບຳນານ, ຖ້າໃນກໍລະນີ ພະນັກງານບໍານານໄປເຄື່ອນໄຫວຜິດລະບຽບວິໄນ ແຕ່ວ່າການປະຕິບັດວິໄນມັນກໍຕ້ອງໄປຕາມກົດໝາຍທີ່ກ່ຽວຂ້ອງ ຕໍ່ບັນຫານີ້ ກໍຄວນໃຫ້ເບິ່ງຕື່ມ.
ທ່ານ ນາງ ສົມພຽງ ວົງໄຊ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ມີຄຳເຫັນ ຕໍ່ມາດຕາ 18 ເງື່ອນໄຂເຂົ້າເປັນລັດຖະກອນໃໝ່ ແລະ ໃນຂໍ້ທີ 4 ບໍ່ເຄີຍຖືກສານ ປະຊາຊົນຕັດສິນລົງໂທດຕັດອິດສະລະພາບ ຍ້ອນການກະທຳຜິດໂດຍເຈດຕະນາ, ບໍ່ຖືກລົງວິໄນ ແລະ ອື່ນໆ ຊຶ່ງໃນຂໍ້ນີ້ ແມ່ນຢາກໃຫ້ຕັດຄຳວ່າ ປະຊາຊົນອອກ ເພາະວ່າຄຳວ່າສານ ແມ່ນມີສານປະຊາຊົນ ແລະ ສານທະຫານ ທີ່ສາມາດຕັດສິນຄະດີຂອງບຸກຄົນທີ່ໄປກະທຳຜິດຕໍ່ນາຍ ແລະ ພົນທະຫານໄດ້, ໃນກໍລະນີນີ້ແມ່ນຢາກສະເໜີວ່າບາງເທຶ່ອກໍແມ່ນສານທະຫານຕັດສິນກໍມີກ່ຽວກັບການກະທຳຜິດ, ໃນຂະນະມາດຕາ 29 ການລາພັກ ແລະ ການພັກການທາງລັດຖະການ ໃນນີ້, ການລາພັກມີ ທັງໝົດ 11 ກໍລະນີ ແມ່ນຢາກສະເໜີ ເອົາກໍລະນີ ທີ 2 ແລະ ທີ 4 ເຫັນວ່າເນື້ອໃນອັນດຽວກັນ ແມ່ນຢາກໃຫ້ເອົາໂຮມເຂົ້າກັນ ຊຶ່ງຈະເຮັດໃຫ້ມາດຕາສັ້ນເຂົ້າຕື່ມ ແລະ ຢາກສະເໜີວ່າ: ເຫດຜົນໃນການປັບວັນພັກເກີດລູກ ຈາກ 5 ເດືອນ-6 ເດືອນ ມາເປັນ 4 ເດືອນຕໍ່ບັນຫານີ້ກໍຢາກໃຫ້ມີການຄົ້ນຄວ້າເບິ່ງຕື່ມເຊັ່ນກັນ.
ຄໍາເຫັນ